დანიის სამეფოში გასამგზავრებად საჭირო საბუთები

დანიის სამეფოში გასამგზავრებლად, საზღვარზე უნდა წარმოადგინოთ შემდეგი საბუთები:

ტურისტულად გამგზავრების შემთხვევაში

• მოქმედი ბიომეტრიული პასპორტი - პასპორტის მოქმედების ვადა მინიმუმ 3 თვით უნდა აღემატებოდეს თქვენ მიერ დაგეგმილ მოგზაურობას;

• დასაბრუნებელი სამგზავრო ბილეთი;

• სასტუმროს ან სხვა საცხოვრებელი ადგილის მოქმედი ჯავშანი;

• სამოგზაურო დაზღვევა;

• დღიური მინიმალური თანხა: 500 დანიური კრონი იმ შემთხვევაში თუ ვიზიტორი ჩერდება სასტუმროში, ხოლო ჰოსტელის შემთხვევაში თანხის დღიურ ოდენობად დადგენილია 350 დანიური კრონი.

მოგზაურობის ფინანსური უზრუნველყოფის დადასტურება შესაძლებელია თქვენს მფლობელობაში არსებული ნაღდი ფულით, მოქმედი საბანკო ელექტრონული ბარათით, დაფინანსების შესახებ ცნობით ან მასპინძლის საგარანტიო წერილით.

ნათესავების, მეგობრების ან ახლობლების მონახულების მიზნით მგზავრობის შემთხვევაში ზემოჩამოთვლილ დოკუმენტებთან ერთად დამატებით უნდა იქონიოთ:

• მოწვევის წერილი:  მომწვევი მხარის არსებობის შემთხვევაში რეკომენდირებულია, თუმცა არა სავალდებულო, რომ მომწვევის მიერ შეივსოს დადგენილი ფორმის მოსაწვევი წერილობით ან ონლაინ რეჟიმში, რომელიც განთავსებულია დანიის იმიგრაციის სამსახურის ვებგვერდზე

კონფერენციებში, სემინარებში, საქმიან შეხვედრებში მონაწილოების მიზნით მგზავრობის შემთხვევაში, ზემოჩამოთვლილ საბუთებთან ერთად დამატებით უნდა იქონიოთ:

• ღონისძიების/კონფერენციის, სემინარის მოწვევა/პროგრამა, რომელშიც მონაწილეობთ;

სამედიცინო სერვისებით სარგებლობის, მოკლევადიანი სამკურნალო კურსის/ოპერაციის მიზნით მგზავრობის შემთხვევაში ზემოჩამოთვლილ საბუთებთან ერთად დამატებით უნდა იქონიოთ:

• იმ სამედიცინო დაწესებულების თანხმობა, რომელშიც გეგმავთ მკურნალობას ან/და საქართველოს სამედიცინო დაწესებულების რეკომენდაცია, ჩაიტაროთ შესაბამისი მკურნალობა ევროკავშირის წევრ-ქვეყანაში;.

• სამედიცინო დაზღვევა მგზავრობის მთელი პერიოდისთვის;

• მგზავრობისა და მკურნალობის ფინანსური უზრუნველყოფის დადასტურება ნაღდი ფულით, მოქმედი ელექტრონული ბარათით ან გადარიცხვის დამადასტურებელი დოკუმენტით.

წყარო იხილეთ აქ

ჩვენი ტურები კოპენჰაგენში

#კოპენჰაგენი