ნიდერლანდების სამეფოში გასამგზავრებად საჭირო საბუთები

ნიდერლანდების სამეფოში გასამგზავრებლად, საზღვარზე უნდა წარმოადგინოთ შემდეგი საბუთები:

ტურისტულად გამგზავრების შემთხვევაში

• მოქმედი ბიომეტრიული პასპორტი - პასპორტის მოქმედების ვადა მინიმუმ 3 თვით უნდა აღემატებოდეს თქვენ მიერ დაგეგმილ მოგზაურობას;

• დასაბრუნებელი სამგზავრო ბილეთი;

• სასტუმროს ან სხვა საცხოვრებელი ადგილის მოქმედი ჯავშანი;

• სამოგზაურო დაზღვევა;

• დღიური მინიმალური თანხა: 55 ევრო (სასტუმროს ხარჯის გარდა); მოგზაურობის ფინანსური უზრუნველყოფის დადასტურება შესაძლებელია თქვენს მფლობელობაში არსებული ნაღდი ფულით, მოქმედი საბანკო ელექტრონული ბარათით, დაფინანსების შესახებ ცნობით ან მასპინძლის საგარანტიო წერილით.

ნათესავების, მეგობრების ან ახლობლების მონახულების მიზნით მგზავრობის შემთხვევაში ზემოჩამოთვლილ დოკუმენტებთან ერთად დამატებით უნდა იქონიოთ:

• მოწვევის წერილი:  იმ შემთხვევაში, თუ პირს აქვს ინდივიდუალური ფინანსური უზრუნველყოფისთვის საჭირო თანხა და სასტუმროს ჯავშანი, მას არ მოეთხოვება საგარანტიო წერილის წარდგენა.
  

სხვა შემთხვევაში, ქვეყანაში უვიზოდ შემომსვლელმა პირმა მესაზღვრეს უნდა წარუდგინოს მასპინძლის მიერ შევსებული და შესაბამის მუნიციპალიტეტში ლეგალიზებული საგარანტიო წერილი. ლეგალიზებული საგარანტიო წერილი ძალაშია ლეგალიზაციიდან 6 თვის განმავლობაში.

აუცილებელი არ არის საგარანტიო წერილის დედნის წარდგენა.

კონფერენციებში, სემინარებში, საქმიან შეხვედრებში მონაწილოების მიზნითმგზავრობის შემთხვევაში, ზემოჩამოთვლილ საბუთებთან ერთად დამატებით უნდა იქონიოთ:

• ღონისძიების/კონფერენციის, სემინარის მოწვევა/პროგრამა, რომელშიც მონაწილეობთ;

სამედიცინო სერვისებით სარგებლობის, მოკლევადიანი სამკურნალო კურსის/ოპერაციის მიზნით მგზავრობის შემთხვევაში ზემოჩამოთვლილ საბუთებთანერთად დამატებით უნდა იქონიოთ:

• იმ სამედიცინო დაწესებულების თანხმობა, რომელშიც გეგმავთ მკურნალობას ან/და საქართველოს სამედიცინო დაწესებულების რეკომენდაცია, ჩაიტაროთ შესაბამისი მკურნალობა ევროკავშირის წევრ-ქვეყანაში;.

• სამედიცინო დაზღვევა მგზავრობის მთელი პერიოდისთვის;

მგზავრობისა და მკურნალობის ფინანსური უზრუნველყოფის დადასტურება ნაღდი ფულით, მოქმედი ელექტრონული ბარათით ან გადარიცხვის დამადასტურებელი დოკუმენტით.

წყარო : იხილეთ აქ

ჩვენი ტურები : ამსტერდამი, ეიდჰოვენი

 #ამსტერდამი, #როტერდამი, #ბრედა, #ანრემი , #ეიდჰოვენი, #ჰაარლემი, #