ვენა

ყოველ პარასკევს 4 დღიანი ტური ვენაში!
 გ ა ა ტ ა რ ე     WEEKEND  განსხვავებულად!

1 დღე:  ჩაფრენა ქუთაისიდან  ვენაში, ტრანსფერი სასტუმრომდე, თავისუფალი დრო.
საღამოს ქალაქის ტური ავტობუსით  18:30ზე -მიმოხილვა->  https://youtu.be/-73tDmgaeAI  90 წუთის მანძილზე მოინახულებთ ქალაქის ღირსშესანიშნაობებს, თავისუფალი დრო, დაბრუნება და ღამისთევა სასტუმროში.
ან ლურჯი დუნაის კრუიზი, ვახშამი და საკონცერტო გამოცდილება
2 დღე: საუზმე სასტუმროში, სურვილისამებრ შეგიძლიათ მოინახულოთ
 წმინდა შტეფანის ტაძარი, არაჩვეულებრივი სილამაზის გოტიკური შენობა, რომელიც ვენის სიმბოლოდ გადაიქცა.
ტაძრის უკან ჰაასის სახლია- ავანგარდული არქიტექტურის შენობა, რომლის სარკისებურ ფანჯრებში წმინდა შტეფანის ტაძარი აირეკლება. მის სახურავზე კაფე მდებარეობს, სადაც შეგიძლიათ ვენური ყავა მიირთვათ და მოედანს გადმოხედოთ. 
შტოკ-იმ-აიზენის მოედანი. აქ ნახავთ შუშის ცილინდრში მოთავსებულ ლურსმნებჩარჭობილ ხეს. ერთ-ერთი ლეგენდის თანახმად, ვენის მჭედლები მასში ლურსმნებს იღბლის მოსახმობად აჭედებდნენ.
 ჰოფბურგის სასახლე - ავსტრიელი იმპერატორების ზამთრის რეზიდენცია. ეს არის დიდი კომპლექსი, რომელიც შედგება ბაროკოსა და რენესანსის სტილის მრავალი სასახლისგან, მოედნისგან, ეზოსა და მუზეუმისგან.
ფრანც I-ის ძეგლი,  აქვეა ლეოპოლდის ფრთა, რომელშიც დღესდღეობით ავსტრიის პრეზიდენტის რეზიდენციაა.
ავსტრიის ეროვნულ ბიბლიოთეკა, საიმპერატორო საგანძურსა და კაპელას, ვერცხლის ნაკეთობათა კოლექციას და მრავალ სხვას.
სეირნობისას დასასვენებლად შეგიძლიათ ბურგარტენის პარკში შეიაროთ. აქ დგას მოცარტისა და გოეთეს ქანდაკებები. არის, აგრეთვე, პალმების ორანჟერეა ტროპიკული მცენარეებით და პეპლების სახლი.
პარლამენტის შენობა, რომლის მშენებლობაც 1884 წელს დასრულდა. შეხედავთ თუ არა მას, მყისვე იგრძნობთ ძველი საბერძნეთის გავლენას.
მომდევნო ღირსშესანიშნაობა ვენის რატუშაა - ულამაზესი შენობა 105 მეტრი სიმაღლის კოშკით. ეს არა მხოლოდ ის ადგილია, სადაც ქალაქის ბურგომისტრი და საბჭო მუშაობს. აქ ყოველწლიურად ასობით ღონისძიება იმართება: მეჯლისები, კარნავალები, ფესტივალები, დღესასწაულები, საშობაო ვაჭრობა. რატუშის წინ რატუშის პარკია. პარკის ცენტრში, უზარმაზარ ეკრანზე, ზაფხულობით ფილმებს უჩვენებენ, ზამთარში კი უზარმაზარი საციგურაოა გახსნილი.
დღის ბოლოს დაბრუნება სასტუმროში  და ღამისთევა
3 დღე: საუზმე სასტუმროში, შემდეგ
  ჩაჯექით რინგშტრასეზე №1 ტრამვაიში და ჩამოდით გაჩერებაზე Hetzgasse. ფეხით სულ ცოტას გაივლით და დაინახავთ ქალაქის ყველაზე მხიარულ სახლს - ჰუნდერტვასერის სახლს. შეუძლებელია, რომ ის ვერ შეამჩნიოთ.
ახლა გეზი ბელვედერის სასახლისკენ ავიღოთ. ამისთვის უნდა ჩავსხდეთ ტრამვაიში №71 (გაჩერება Unteres Belvedere) ან №2, №D (გაჩერება Schwarzenbergplatz). ბელვედერის სასახლე ცნობილი მხედართმთავრის, პრინც ევგენი სავოიელის, საზაფხულო რეზიდენცია იყო. იგი სამი ნაწილისგან შედგება: ზედა ბელვედერი, ქვედა ბელვედერი ორანჟერეით და უზარმაზარი პარკი. ზედა ბელვედერში სამხატვრო მუზეუმია განთავსებული, სადაც ცნობილი მხატვრების ტილოებია გამოფენილი, მათ შორის ავსტრიელი გუსტავ კლიმტის სახელგანთქმული "კოცნა".
ახლა კი მეტროს მწვანე U4 ხაზით, №10A ავტობუსით ან №10, №58 ტრამვაით გაჩერება Schonbrunn-ზე ჩამოვიდეთ და შონბრუნის სასახლისკენ გავემართოთ.  ამ ღირსშესანიშნაობას ყველაზე მეტი მნახველი ჰყავს. შონბრუნის სასახლე და პარკი ავსტრიის იმპერატორთა საზაფხულო რეზიდენცია იყო
თუ დრო დაგრჩათ შეგიძლიათ მოინახულოთ:
პრატერის პარკი-აქ დგას ე.წ. "ეშმაკის ბორბალი" - ისიც ვენის სიმბოლოდ გადაიქცა - და კიდევ უამრავი ატრაქციონი.
ზღვის სახლი-ეს არის ოკეანერიუმი, ტერარიუმი და ზოოპარკი ერთად

დღე 4: ტრანსფერი სასტუმროდან აეროპორტამდე და დაბრუნება ქუთაისში.